«БЖЗҚ» АҚ ресми сайтына 2016 жылғы 1 сәуірдегі жағдай бойынша зейнетақы активтері есебінен құралған инвестициялық қоржын құрылымы орналастырылды (http://www.enpf.kz/12179).
Инвестициялық қызмет туралы толық есеп салымшылардың зейнетақы жинақтарының қандай бағалы қағаздарға және қандай көлемде, қандай нарықтық бағамен инвестицияланатыны туралы мәліметті қамтиды.
2016 жылғы 1 сәуірдегі жағдай бойынша Қазақстан Республикасы Ұлттық Банкінің басқаруындағы БЖЗҚ зейнетақы активтері 6, 07 трлн. теңге болды.
2016 жылғы 01 қаңтар мен 2016 жылғы 31 наурыз аралығындағы кезең үшін салымшылардың (алушылардың) шоттарына бөлінген БЖЗҚ зейнетақы активтерінің табыстылығы – 2,4%. БЖЗҚ салымшыларының зейнетақы активтері бойынша жылдық табыстылық (2015 жылғы наурыз – 2016 жылғы наурыз) ұқсас кезеңдегі 15,7% құнсыздану деңгейінде 16,9 %-ды құрады. 2016 жылғы 01 сәуірдегі жағдай бойынша БЖЗҚ ЗА инвестициялық қоржынындағы борыштық қаржы құралдарын өтеуге орташа өлшенген табыстылық – жылына 10,5%.
БЖЗҚ зейнетақы активтері 2016 жылы мынадай бағыттарға инвестицияланатын болады:
- республикалық бюджет тапшылығын қаржыландыру үшін Қазақстан Республикасының мемлекеттік бағалы қағаздарын сатып алу;
- шетелдік қаржы нарықтарына инвестициялау үшін шетелдік валюта сатып алу;
- шағын және орта кәсіпкерлік субъектілерін қаржыландыру үшін екінші деңгейдегі банктердің келісілген қаржы құралдарына инвестициялау;
- квазимемлекеттік сектор субъектілерінің келісілген борыштық бағалы қағаздарына инвестициялау.
Қоржындағы Қазақстан Республикасының МБҚ үлесі 2016 жылғы 1 сәуірде 45,16%-ды құрады (2 739,69 млрд. теңге), БЖЗҚ ЗА қоржынындағы олар бойынша өтеуге орташа өлшенген табыстылық – жылына 12,4%.
Шетелдік мемлекеттердің МБҚ үлесі 0,85%-ға дейін азайды. Шетелдік мемлекеттердің МБҚ өтеуге орташа өлшенген табыстылық – жылына 5,2%.
ХҚҰ облигациялары. 2016 жылдың наурыз айында Халықаралық қаржы ұйымдары облигацияларының көлемі 0,50 млрд. теңгеге артып, 85,74 млрд. теңгені құрады. Қоржындағы үлесі – 1,41%. БЖЗҚ зейнетақы активтерінің қоржынындағы ХҚҰ облигацияларын өтеуге орташа өлшенген табыстылық – жылына 7,3%.
Екінші деңгейдегі банктердегі депозиттер көлемі 1 сәуірде 338,13 млрд. теңге болды. Қоржындағы үлесі – 5,57%. Есепті кезеңде БЖЗҚ ЗА қоржынында 12,00 млрд. теңге сомасында негізгі борыш өтелді. Есепті кезеңдегі БЖЗҚ ЗА қоржынындағы ЕДБ салымдарын өтеуге орташа өлшенген табыстылық – жылына 8,9%.
ҚР эмитенттерінің корпоративтік облигацияларының көлемі наурыз айының ішінде ғана 0,43 млрд. теңгеге өсіп, 2 217,74 млрд. теңгені құрады. Қоржындағы үлесі – 36,55%, өтеуге орташа өлшенген табыстылық – жылына 8,7%.
Қоржындағы шетелдік эмитенттердің корпоративтік облигацияларының үлесі – 2,78%. Наурыз айында 0,28 млрд. теңге сомасында шетелдік эмитенттердің корпоративтік облигацияларының негізгі борышы өтелді. Есепті кезеңдегі БЖЗҚ ЗА қоржынындағы шетелдік эмитенттердің корпоративтік облигацияларын өтеуге орташа өлшенген табыстылық – жылына 7,5%.
Сонымен қатар БЖЗҚ қоржынындағы PPN (құрылымдық ноттар) – 0,70%, ҚР эмитенттерінің акциялары және депозитарлық қолхаттары – 1,85%, шетелдік эмитенттердің акциялары және депозитарлық қолхаттары – 0,25%.
БЖЗҚ-дағы міндетті зейнетақы жарналарын, сондай-ақ міндетті кәсіптік зейнетақы жарналарын мемлекет «Қазақстан Республикасында зейнетақымен қамсыздандыру туралы» заңға сәйкес төлемге құқық алған сәттегі құнсыздану деңгейін ескеріп, нақты салынған жарналар мөлшерінде сақтауға кепілдік береді.
10881