ҚАРЖЫ ЖУРНАЛИСТИКАСЫ БОЙЫНША ЖАЗҒЫ МЕКТЕП (2018 ЖЫЛЫ)

БЖЗҚ қаржы журналистикасы бойынша БАҚ өкілдері үшін осымен үшінші рет оқыту бағдарламасын жүзеге асырады. Зейнетақымен қамсыздандыру саласын қамтитын бұл бағдарламаның басты тақырыбы: «ҚР жинақтаушы зейнетақы жүйесіне 20 жыл: қорытындылар және даму келешегі».

Биыл оқыту модульдері мына тақырыптар бойынша ұсынылды (бағдарламасы): зейнетақы құқығын қалыптастыру және жүзеге асыру, қолданыстағы электрондық қызметтердің қалай жұмыс істейтіндігін көрсету, әлем елдерінің жинақтаушы зейнетақы жүйелерімен таныстыру, болашақ зейнетақыны жоспарлау және есептеу, сондай-ақ, «БЖЗҚ» АҚ ақпараттық жұмысы.

Сарапшы ретінде Қордың және Ұлттық Банктің мамандары қатысты. Олар Қазақстан Республикасының зейнетақы заңнамасындағы өзгерістер, зейнетақы құқығын қалыптастыру және жүзеге асыру мәселелері және халықаралық зейнетақы жүйелерінің модельдері туралы әңгімеледі.

Бұдан басқа, «Болашақ зейнетақыны қалай жоспарлауға болады?» деген тақырыпта шеберлік сыныбы өткізілді. Қатысушылар Қордың көрсететін қызметтері және өңірлік желісінің жұмыстарымен жете танысты. Сондай-ақ, сарапшыларға өздерін мазалаған сұрақтарды қоюға мүмкіндік алды.
Мектепке қатысушылар оқыту бағдарламасы аясында тәжірибелік сабақтарға қатысып, Қор филиалы бойынша экскурсия жасады және алған білімдерін пысықтау үшін жинақтаушы зейнетақы жүйесі бойынша Kahoot желілік ойынына қатысты. Курс соңында қатысушыларға қаржы журналистикасы бойынша оқыту бағдарламасынан өткендіктері туралы сертификаттар және жүлделер табыс етілді (фотосуреттер).