Кері қарай

ЕРІКТІ ЗЕЙНЕТАҚЫ ЖАРНАЛАРЫН (ЕЗЖ) ЕСЕПКЕ АЛУ ҮШІН
ЖЕКЕ ЗЕЙНЕТАҚЫ ШОТЫН (ЖЗШ) АШУ

Ерiктi зейнетақы жарналары (ЕЗЖ) – Қазақстан Республикасының заңнамасында және ЕЗЖ есебінен зейнетақымен қамсыздандыру туралы шартта айқындалатын тәртіппен зейнетақы төлемдерін алушының пайдасына БЖЗҚ-ға және (немесе) ерікті жинақтаушы зейнетақы қорына салымшылар өз бастамасы бойынша салатын ақша және (немесе) депозиттерге міндетті кепілдік беруді жүзеге асыратын ұйым «Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы» Қазақстан Республикасының Заңына сәйкес БЖЗҚ-ға аударатын кепілдік берілген депозит бойынша кепілді өтемнің талап етілмеген сомасы.

Ерікті зейнетақы жарналарды:

ЕЗЖ мөлшері мен төлеу кезеңділігін жеке және заңды тұлға өздігінен белгілейді.

01.05.2021 ж. бастап ЕЗЖ есепке алу үшін БЖЗҚ-да жеке зейнетақы шотын ашу: 

> агенттер (заңды тұлғалар) БЖЗҚ-ға ЕЗЖ аударған кезде ұсынатын жеке тұлғалардың тізімдері;
> ЕЗЖ салымшысынан ЕЗЖ аударған кезде өзінің пайдасына немесе үшінші тұлға пайдасына БЖЗҚ-ға түскен ЕЗЖ бастапқы сомасы;
> «Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы» Қазақстан Республикасының заңына сәйкес депозиттерге міндетті кепілдік беруді жүзеге асыратын ұйымнан БЖЗҚ-ға келіп түскен кепілдікті өтеудің талап етілмеген бастапқы сомасы негізінде жүзеге асырылады.

ЕЗЖ есепке алу үшін ЖЗШ ашқан кезде жеке тұлғаны сәйкестендіру ЕЗЖ аудару кезінде төлем тапсырмасының электрондық форматында көрсетілген дербес деректер (ТАӘ, ЖСН, туған күні) бойынша жүзеге асырылады, ал БЖЗҚ барлық қажетті мәліметтерді (жеке тұлғаның жеке басын куәландыратын қолданыстағы құжаттың деректемелері, тұрақты тұратын жері және өзге де мәліметтер) мемлекеттік органдардың тиісті ақпараттық жүйелерінен алады.

Жеке тұлға өз пайдасына өзінің табысы есебінен ЕЗЖ төлеген кезде төленген ЕЗЖ сомасына салықтық шегерім салық заңнамасында көзделген. Бұдан бөлек, 2021 жылғы 1 қаңтардан бастап салық агенті (жұмыс беруші) өз қаражаты есебінен қызметкердің пайдасына төлейтін ЕЗЖ шегерімге жатқызылады, бұл ретте салық агенті қызметкердің жылдық кірісінде оларды есепке алмайды.  

Зейнетақы төлемдерінің тәртібі "БЖЗҚ" АҚ Зейнетақы қағидаларында (ерікті зейнетақы жарналарын есепке алу бойынша)белгіленеді. 

ТТК:

	"БЖЗҚ" АҚ Зейнетақы қағидаларында (ерікті зейнетақы жарналарын есепке алу бойынша) белгіленеді.
	Ерікті зейнетақы жарналары есебінен қосылу шарты
	№14 қосымша «Салымшының (Алушының) қосымша деректемелерін өзгерту (толықтыру) туралы өтініші»
	№19 қосымша «Хабарлау тәсілін өзгерту (анықтау) туралы келісім»