Кәсіпкерлік бастамаларды қолдау
Кәсіпкерлік бастамаларды қолдау жұмыссыздарға және өзін-өзі жұмыспен қамтыған тұлғаларға кәсіпкерлік, жобаларға ілеспе қызмет көрсету бойынша сервистік қызмет көрсету, қайтарым негізінде шағын несие беру негіздерін оқыту арқылы мемлекеттік қолдау шараларын ұсыну арқылы көрсетіледі.
Қазақстан Республикасы Үкіметінің 29.12.2016 ж. № 919 қаулысымен 2017-2021 жылдарға арналған нәтижелі жұмыспен қамту мен жаппай кәсіпкерлікті дамыту бағдарламасы (бұдан әрі – Бағдарлама) бекітілді.
«Бастау Бизнес» жобасы Бағдарлама қатысушыларына кәсіпкерлік дағдыларды, оның ішінде ауыл шаруашылық кооперативтерін құру қағидаттарын оқытуға, сондай-ақ олардың бизнес жобаларына ілеспе қызмет көрсетуге бағытталған.
Бағдарламаға қатысушылар ¬– халықты жұмыспен қамту орталықтарында тіркелгеніне қарамастан жұмыссыздар, кәсіпкерлік әлеуеті бар өз-өзін жұмыспен қамтыған және ауылдық елді мекендер мен аудан орталықтарында тұратын, 2018 жылдан бастап қалада, оның ішінде моно және шағын қалаларда тұратын адамдар.
«Бастау Бизнес» жобасы бойынша кәсіпкерлік негіздерін оқитын бағдарлама қатысушылары техникалық және кәсіптік ортадан кейінгі білім беру ұйымдарында мемлекеттік білім беру тапсырысы бойынша оқитын студенттер үшін Қазақстан Республикасының заңнамасында белгіленген мөлшердегі шәкіртақымен қамтамасыз етіледі.
Қатысушыларға кәсіпкерлікті қаржылық қолдау шаралары туралы ақпарат беріледі.
«Атамекен» Қазақстан Республикасының ұлттық кәсіпкерлер палатасы және өңірлік кәсіпкерлер палаталары – «Бастау Бизнес» жобасы бойынша қаржылық емес қолдау операторы.
Әлеуетті қатысушыларды хабарландыру мақсатында қаржылық емес қолдау операторының негізінде арнайы Call-орталық жұмыс істейді.
«Бастау Бизнес» жобасы бойынша кәсіпкерлік негіздерін оқыту мынадай кезеңдерден тұрады:
– тестіден өткізу;
– бизнес-жетекшілік және жеке кеңес беру қағидаты бойынша топтарда тәжірибелік оқыту;
– бизнес-жобаны қорғауға (тұсаукесерге) дайындау;
– 12 айға дейін мерзіммен бизнес-жобаны іске асыруға ілеспе қызмет көрсету.
Оқыту міндетті түрде жеке кеңес беруді, сондай-ақ қаржыландыруға жобаны қорғау мақсатында көпшілік алдында сөйлеу дағдылары бойынша тренингтерті қамтиды.
Оқуға қатысушыларды жинау туралы хабарландыру және оқыту кестесі бұқаралық ақпарат құралдарына және қаржылық емес оператордың интернет-ресурсына орналастырылуы тиіс.
Ауылдық елді мекендерде, моноқалаларда, шағын қалаларда және қалаларда бизнес-жобаларды іске асыратын немесе іске асыруды жоспарлап отырған Бағдарлама қатысушыларына несиелер/шағын несиелер республикалық бюджет және/немесе жергілікті бюджеттер қаражатынан беріледі.
Бағдарламаға қатысушылар – халықты жұмыспен қамту орталықтарында тіркелгеніне қарамастан жұмыссыздар, өзін-өзі жұмыспен қамтығандар, жұмыс істеп жүрген және енді бастаған кәсіпкерлік әлеуеті бар кәсіпкерлер, ауыл шаруашылық кооперативтері және олардың «Қазақстан Республикасында зейнетақымен қамсыздандыру туралы» Қазақстан Республикасы заңының 11-бабының 1-тармағында белгіленген зейнет жасына толмаған мүшелері, шаруа және фермерлік қожалықтар.
Бағдарлама қатысушыларының несие/шағын неисе алуы үшін міндетті талап ¬– оның Қазақстан Республикасының салық заңнамасына сәйкес салық органдарында тіркелуі және шағын қаржы ұйымдарына/несиелік серіктестерге/екінші деңгейдегі банктерге/«Ауыл шаруашылығын қаржылық қолдау қоры» акционерлік қоғамына халықты жұмыспен қамту орталығы жолдамасының болуы, бұған қаржыландыру мақсаты жұмыс істеп жүрген кәсіпкерлердің қызметін кеңейту және/немесе дамыту жобалары қосылмайды.
Үміткерлер тікелей не «Атамекен» өңірлік кәсіпкерлер палатасының аудандық филиалдары/ауылдық округтардың және елді мекендердің әкімдері арқылы кеңес алу үшін мынадай құжаттарды тіркей отырып халықты жұмыспен қамту орталықтарына жүгінеді:
1) жеке басты куәландыратын құжат көшірмесі;
2) бар болса, кәсіпкерлік негіздерін оқыту туралы құжат (куәлік, куәлік қағаз, сертификат) көшірмесі.
Несиелер/шағын несиелер:
1) ауылдық елді мекендерде (әкімшілік бағыныштылығына қарамастан) және шағын қалаларда шағын бизнес ашу, жұмыс істеп тұрған бизнесті кеңейту, ауыл шаруашылық кооперативін құру үшін;
2) қалаларда, моноқалаларда (шағын қалаларды қоспағанда) жаңа шағын кәсіпорындар құру, жұмыс істеп тұрған бизнесті кеңейту үшін беріледі.
Шағын бизнес ашу үшін несиелер/шағын несиелер «Бастау Бизнес» жобасының аясында кәсіпкерлік негіздерін немесе Бағдарламаның бірінші бағытының аясында кәсіпкерлік негіздерін оқыту курстарынан өту аясында бизнес-жобалар қорғалған соң не несие/шағын несие алу үшін өтініш білдірген күн алдындағы сертификат алған күннен бастап соңғы 24 ай ішінде басқа бағдарламалар аясында кәсіпкерлік негіздерін оқыту курстарынан өту туралы сертификат болған кезде беріледі.
Жұмыс істеп тұрған бизнесті кеңейту және (немесе) ауыл шаруашылық кооперативтерінің қызметін дамыту үшін несиелер/шағын несиелер жаңа тұрақты жұмыс орындары ашылған жағдайда беріледі.
