Мухатов Арман Тимурович

«Бірыңғай жинақтаушы зейнетақы қоры» акционерлік қоғамы Басқармасының мүшесі, Басқарушы директор

Басқарушы директордың функциялары:

• Тауарларды, жұмыстар мен қызметтерді сатып алуды, сондай-ақ Қазақстан Республикасы заңнамасының арнайы нормалары қолданылмай жүзеге асырылатын тауарларды, жұмыстар мен қызметтерді басқа сатып алуды ұйымдастыру және өткізу;
• Қордың әкімшілік-шаруашылық қызметі;
• Қордың құжат айналымы мен мұрағатын жүргізу;
• зейнетақы және меншікті активтер есебінен құралған инвестициялық портфельді сараптауды қамтамасыз ету;
• зейнетақы активтері есебінен құралған инвестициялық портфельді басқару тиімділігін бағалауды жүзеге асыру;
• өз құзіретіне кіретін мәселелер бойынша мемлекеттік органдармен, ұйымдармен және жеке тұлғалармен қарым-қатынас жасау мәселелері бойынша жұмысты жалпы басқаруды, үйлестіру мен бақылауды жүзеге асырады.

Білімі
1992 жылы Алматы энергетика институтын «Өнеркәсіптік қондырғылар мен технологиялық кешендерді автоматтандыру» мамандығы бойынша бітірді;
2003 жылы Халықаралық бизнес университетін «Өмірді сақтандыру және актуарлық есептеулер» мамандығы бойынша бітірді.

Жұмыс тәжірибесі
Арман Тимурұлы еңбек жолын 1992 жылы Қазақ ауыл шаруашылығы институтында электротехника кафедрасының ассистенті болып бастады.
1992 жылдан 1993 жылға дейін «Акцепт» ШК Коммерциялық директоры қызметін атқарды.
1993 жылдан 1995 жылға дейін «Фирма Акцепт» ЖШС Коммерциялық директоры болды.
1995 жылдан 1996 жылға дейін «Акцепт-электроника» ШЖК директоры қызметін атқарды.
1996 жылдан 1997 жылға дейін «Акцепт – электроника» ЖСАҚ-да департамент директоры.
1997 жылдан 1999 жылға дейін «Акцепт Фреш» ЖШС директоры.
1999 жылдан 2005 жылға дейін «Пана Иншуранс» Сақтандыру компаниясы» ЖАҚ президенті қызметін атқарды.
2005 жылдан 2005 жылға дейін «Пана Иншуранс» Сақтандыру компаниясы» ЖАҚ Басқарма Төрағасының қаржы мәселелері жөніндегі орынбасары. Сонымен қатар 2001 жылдан 2008 жылға дейін «Пана иншуранс» Басқарма Төрағасының кеңесшісі болды.
2009 жылдан 2011 жылға дейін LancasterSecurities АҚ-да Директорлар кеңесінің мүшесі, тәуелсіз директор.
2010 жылдан 2013 жылға дейін «Сырымбет» АҚ-да Директорлар кеңесінің мүшесі, тәуелсіз директор.
2013 жылдан 2015 жылға дейін «Қазақмыс» Сақтандыру компаниясы» АҚ Басқарма төрағасының орынбасары, қаржы блогына жетекшілік етті, қаражаттың орналастырылуын, қозғалысын және жұмсалуын, бизнес-үдерістерді әзірлеу мен енгізуді бақылауды жүзеге асырды.
2013 жылдан 2016 жылға дейін «Қазинвестбанк» АҚ-да Директорлар кеңесінің мүшесі, тәуелсіз директор. Банктің даму стратегиясы мен жоспарын әзірлеуге қатысты, банк бөлімшелерінің қызметіне мониторинг жүргізуге жауапты болды.
2018 жылдан 2021 жылға дейін Қазақстан ипотекалық компаниясы ИҰ АҚ Басқарушы директоры, Басқарма Төрағасының кеңесшісі болып жұмыс істеді. Сату және басқару департаменттеріне жетекшілік етті. Компанияның даму жоспарын әзірлеуге, заемдарды сатып алу мен қызмет көрсету мәселелері және басқалар бойынша серіктес банктермен қарым-қатынас жасауға қатысты.
Қоса атқаратын жұмыс жүзеге асырылмайды.