Құрманов Жанат Бостанұлы

«БЖЗҚ» АҚ Басқарма төрағасы. «БЖЗҚ» АҚ Директорлар кеңесінің мүшесі

Басқарма төрағасының функциялары:

Қордың жалғыз акционері мен Директорлар кеңесінің айрықша құзыретіне кірмейтін барлық мәселе бойынша Қор қызметін жалпы басқаруды және бақылауды жүзеге асырады.

2019 жылы 31 мамырда атқарушы орган өкілі ретінде «БЖЗҚ» АҚ Директорлар кеңесінің құрамына сайланды (20.07.2020 жылы қайта сайланды).

Қазақстан Республикасының заңнамасына, «БЖЗҚ» АҚ Жарғысына, Директорлар кеңесі туралы ережеге және басқа да ішкі құжаттарға сәйкес Директорлар кеңесінің мүшесі қызметін атқарады.

«БЖЗҚ» АҚ Директорлар кеңесінің Кадрлар, сыйақы және әлеуметтік мәселелер бойынша комитетінің құрамына кіреді.

Білімі
1985 жылы С.М. Киров атындағы Қазақ мемлекеттік университетін физика мамандығы бойынша бітірді (Алматы қаласы).

1996 жылы Біріккен ядролық зерттеулер институтында диссертация қорғады (Дубна қаласы, Ресей Федерациясы), ғылыми дәрежесі – физика-математика ғылымдарының кандидаты, мамандығы – ядро және қарапайым бөлшектер физикасы.

1996 жылы Экономика, менеджмент және құқық институтын экономика мамандығы (мамандану – банк ісі) бойынша тәмамдады (Мәскеу қаласы, Ресей Федерациясы).


2017 жылы Оксфорд университетін бітірді (Оксфорд қаласы, Ұлыбритания). Бизнес мектебі бағдарламасы бойынша диплом қорғады.

Жұмыс тәжірибесі
Өзінің еңбек жолын Құрманов Ж.Б. 1985 жылы ҚазССР Ғылым академиясы Ядролық физика институтында инженер болып бастады.

1988-1996 жылдары Біріккен ядролық зерттеулер институтында жұмыс істеді.

1994-1995 жылдары Пенсильвания штатының (АҚШ) университетінде теориялық ядролық физика бойынша зерттеулер жүргізді.

1996 жылы физика-математика ғылымдарының кандидаты ғылыми дәрежесін алды.

1996 жылдан бастап Қазақстан Республикасының қаржы нарығында жұмыс істеп келеді.

1999 жылдың желтоқсан айынан бастап 2002 жылдың шілде айына дейін Қазақстан Республикасы Ұлттық Банкінің Сақтандыруды қадағалау департаментінде және Банктерді және сақтандыруды қадағалау департаментінде басшылық лауазымдарды атқарды.

2002 жылдың тамыз айынан бастап 2007 жылдың ақпан айына дейін «ГНПФ» Жинақтаушы зейнетақы қоры» АҚ бас директоры, бас директорының орынбасары болып қызмет етті.

2007 жылдан бастап 2016 жылдың қаңтар айына дейін банк және сақтандыру секторларында, бағалы қағаздар нарығында бірқатар қаржы және инфрақұрылымдық ұйымдардың директорлар кеңестерінің мүшесі болды.
2010 жылдың маусым айынан бастап директорлар кеңесінің мүшесі және 2015 жылдың мамыр айынан бастап 2019 жылдың наурыз айына дейін «Қазақстан қор биржасы» АҚ Директорлар кеңесінің төрағасы болды.

2016 жылдың ақпан айынан бастап 2017 жылдың қыркүйек айына дейін Қазақстан Республикасы Ұлттық Банкінің Сақтандыруды қадағалау департаментін, Банктік емес қаржы ұйымдарын реттеу департаментін басқарды.

2017 жылдың қыркүйек айынан бастап 2019 жылдың наурыз айына дейін Қазақстан Республикасы Ұлттық Банкі төрағасының орынбасары қызметін атқарды.

Қоса атқаратын жұмыс жүзеге асырылмайды.