Құрманов Жанат Бостанұлы

«БЖЗҚ» АҚ Басқарма төрағасы «БЖЗҚ» АҚ Директорлар кеңесінің мүшесі

Туған күні: 22 ақпан 1962 жыл

Директорлар кеңесіне сайлау күні, Директорлар кеңесі мүшесінің мәртебесі мен функциялары:

2019 жылы 31 мамырда атқарушы орган өкілі ретінде «БЖЗҚ» АҚ Директорлар кеңесінің құрамына сайланды (20.07.2020 жылы, 29.06.2023 жылы қайта сайланды).

Қазақстан Республикасының заңнамасына, «БЖЗҚ» АҚ Жарғысына, Директорлар кеңесі туралы ережеге және басқа да ішкі құжаттарға сәйкес Директорлар кеңесінің мүшесі қызметін атқарады.

«БЖЗҚ» АҚ Директорлар кеңесінің Кадрлар, сыйақы және әлеуметтік мәселелер бойынша комитеттің және «БЖЗҚ» АҚ Директорлар кеңесінің Стратегиялық жоспарлау комитетінің құрамына кіреді.

Білімі:

1985 жылы С. М. Киров атындағы Қазақ мемлекеттік университетін физика мамандығы бойынша бітірген (Алматы қаласы).

1996 жылы Біріккен ядролық зерттеулер институтында диссертация қорғаған (Дубна қаласы, Ресей Федерациясы), ғылыми дәрежесі – физика-математика ғылымдарының кандидаты, мамандығы – ядро және бөлшектер физикасы.

1996 жылы Экономика, менеджмент және құқық институтын экономика мамандығы бойынша тәмамдады (мамандану – банк ісі) (Мәскеу қаласы, Ресей Федерациясы).

2017 жылы Оксфорд университетін бітірген (Оксфорд қаласы, Ұлыбритания). Бизнес мектебі бағдарламасы бойынша диплом қорғаған.

Жұмыс тәжірибесі:

Өзінің еңбек жолын Ж.Б.Құрманов 1985 жылы ҚазССР Ғылым академиясы Ядролық физика институтында инженер болып бастады.

1988-1996 жылдары Біріккен ядролық зерттеулер институтында жұмыс жасады.

1994-1995 жылдары Пенсильвания штатының (АҚШ) университетінде теориялық ядролық физика бойынша зерттеулер жүргізді.

1996 жылы физика-математика ғылымдарының кандидаты ғылыми дәрежесіне ие болды.

1996 жылдан бастап Қазақстан Республикасының қаржы нарығында жұмыс істеп келеді.

1999 жылғы желтоқсаннан бастап 2002 жылғы шілдеге дейін Қазақстан Республикасы Ұлттық Банкінің Сақтандыруды қадағалау және Банктерді және сақтандыруды қадағалау департаменттерінде басшылық лауазымын атқарды.

2002 жылғы тамыздан бастап 2007 жылғы ақпанға дейін «ГНПФ» Жинақтаушы зейнетақы қоры» АҚ Бас директоры, Бас директорының орынбасары болып қызмет істеді.

2007 жылдан бастап 2016 жылғы қаңтарға дейін банк пен сақтандыру секторында, бағалы қағаздар нарығында бірқатар қаржы және инфрақұрылымдық ұйымдардың директорлар кеңестерінің мүшесі болды. 2010 жылғы маусымнан бастап директорлар кеңесінің мүшесі және 2015 жылғы мамырдан бастап 2019 жылғы наурызға дейін «Қазақстан қор биржасы» АҚ Директорлар кеңесінің төрағасы.

2016 жылғы ақпаннан бастап 2017 жылғы қыркүйекке дейін Қазақстан Республикасы Ұлттық Банкінің Сақтандыруды қадағалау департаментін, Банктік емес қаржы ұйымдарын реттеу департаментін басқарды.

2017 жылғы қыркүйектен бастап 2019 жылғы наурызға дейін Қазақстан Республикасы Ұлттық Банкі төрағасының орынбасары қызметін атқарды.