Прасад Бхамре

«БЖЗҚ» АҚ Директорлар кеңесінің мүшесі – тәуелсіз директор

Директорлар кеңесіне сайлау күні, Директорлар кеңесі мүшесінің мәртебесі мен функциялары:

2020 жылғы 20 шілдеде тәуелсіз директор ретінде «БЖЗҚ» АҚ Директорлар кеңесінің құрамына сайланды (29.06.2023 жылы қайта сайланды).

Қазақстан Республикасының заңнамасына, «БЖЗҚ» АҚ Жарғысына, Директорлар кеңесі туралы ережеге және басқа да ішкі құжаттарға сәйкес Директорлар кеңесінің мүшесі-тәуелсіз директор қызметін атқарады.

«БЖЗҚ» АҚ Директорлар кеңесінің Аудиторлық комитет және «БЖЗҚ» АҚ Директорлар кеңесінің Кадрлар, сыйақы және әлеуметтік мәселелер бойынша комитетінің құрамына кіреді, «БЖЗҚ» АҚ Директорлар кеңесінің Стратегиялық жоспарлау комитетінің төрағасы болып табылады.

«БЖЗҚ» АҚ тәуелсіз директоры лауазымын иеленуге «Акционерлік қоғамдар туралы», «Қазақстан Республикасында зейнетақымен қамсыздандыру туралы» Қазақстан Республикасы Заңдарында және Қазақстан Республикасының басқа да құқықтық актілерінде белгіленген талаптарға сәйкес келеді.

Білімі:

1989 жылы Пуны Университетін (Үндістан) бітірген. Өнеркәсіптік инжиниринг саласында бакалавр дәрежесі бар.

1992 жылы Торонто Университетінде (Канада) оқуды үздік бітірген, біліктілігі – инжиниринг магистрі.

2003 жылы Гарвард университетін (АҚШ) «Экономика және қор нарықтары» мамандығы бойынша бітірген, біліктілігі – басқару магистрі.

Жұмыс тәжірибесі:

Өзінің еңбек жолын Прасад Бхамре 1993 жылы Imperial Oil Ltd (Канада) қаржы кеңесшісі ретінде бастады.

1998-2003 жылдары – PriceWaterhouseCoopers (АҚШ) бас кеңесшісі.

2004-2007 жылдары – «Маркетингтік-Аналитикалық Зерттеулер Орталығы» АҚ Бас директорының кеңесшісі.

2007-2010 жылдары - «Kun Renewables» АҚ Президенті.

2011-2013 жылдары – «Самрұқ-Қазына» ҰӘҚ» АҚ Басқарушы директоры.

2013-2018 жылдары - «ҚТЖ» ҰК» АҚ Президентінің кеңесшісі.

2015-2018 жылдары - «Capital Bank Kazakhstan» АҚ тәуелсіз директор

2019-2023 жылдары – «Астана» Халықаралық қаржы орталығында (АХҚО) тәуелсіз директор, «Kazakhstan Investment Development Fund (KIDF) Management Company» LTD жеке компаниясында тәуелсіз директор, Инвестициялар бойынша комитет мүшесі.