Зейнетақы жинақтарын ИПБ-ға/бір ИПБ-дан басқа ИПБ-ға аудару/ИПБ-ның инвестициялық портфель түрін өзгерту/зейнетақы жинақтарын ИПБ-дан ҚР ҰБ-ға қайтару кезіндегі қадамдық нұсқаулық

Міндетті зейнетақы жарналарының (МЗЖ) салымшысы, міндетті кәсіптік зейнетақы жарналары (МКЗЖ), ерікті зейнетақы жарналары (ЕЗЖ) аударылған жеке тұлға (бұдан әрі – салымшы), БЖЗҚ-дан зейнетақы төлемін алушы (бұдан әрі – алушы) зейнетақы активтерін ИПБ-ның сенімгерлік басқаруына, бір ИПБ-дан басқа ИПБ-ға беру, бір ИПБ шеңберінде бір инвестициялық портфель түрінен басқа инвестициялық портфель түріне беру, сондай-ақ зейнетақы жинақтарын ИПБ-ның сенімгерлік басқаруынан Қазақстан Республикасының Ұлттық Банкіне (ҚР ҰБ) сенімгерлік басқаруға қайтару мақсатында БЖЗҚ-ға БЖЗҚ-ның ішкі құжаттарында белгіленген нысан бойынша БЖЗҚ-ның интернет-ресурсындағы жеке кабинеті арқылы электрондық цифрлық қолтаңбасымен (ЭЦҚ) қол қойылған өтініш береді.


БЖЗҚ-ның интернет-ресурсындағы Жеке кабинет арқылы өтініш берген кезде төмендегі әрекеттерді орындау қажет: 

Қадам 1

Жеке кабинетте авторлану. Жеке ЭЦҚ-мен дербес деректерді жинауға және өңдеуге келісімге қол қою (ол болмаған жағдайда).  

Қадам 2

Жеке кабинеттегі «Қызметтер» шағын бөліміне өту.   

Қадам 3

«Инвестициялық портфельді басқарушыны таңдау (өзгерту) туралы, инвестициялық портфельді басқарушының инвестициялық портфель түрін өзгерту туралы немесе инвестициялық портфельді басқарушының сенімгерлік басқаруындағы зейнетақы жинақтарын Қазақстан Республикасы Ұлттық Банкінің сенімгерлік басқаруына қайтаруға өтініш беру» қызметін таңдау. 

Салымшының жеке басын куәландыратын құжат, мекенжайы және байланыс деректері туралы мәліметтер БЖЗҚ-ның цифрлық жүйесінен автоматты түрде көрінеді, олар Қазақстан Республикасы Әділет министрлігінің «Жеке тұлғалар» Мемлекеттік дерекқорымен салыстырылады. Егер осы мәліметтердің біреуі (мысалы, мекенжайы немесе телефоны) өзгерсе, түзетулер енгізу қажет.

Қадам 4

«Аудару талаптары» бөлімінде:  

  1. операция түрін көрсету (ИПБ таңдау немесе ИПБ өзгерту, немесе ИПБ-ның инвестициялық портфель түрін өзгерту немесе ҚР ҰБ-ға қайтару) қажет;  
  2. зейнетақы жинақтарын аударғыңыз келетін (МЗЖ немесе МКЗЖ немесе ЕЗЖ есепке алуға арналған) жеке зейнетақы шотын (ЖЗШ) таңдау қажет;  
  3. «Кімнен» және «Кімге» жолдарында ұсынылатын ИПБ анықтамалығынан инвестициялық портфель түрін көрсете отырып, зейнетақы жинақтарын сенімгерлік басқарудан және сенімгерлік басқаруға аударғыңыз келетін (зейнетақы жинақтарын ҚР ҰБ-дан немесе ИПБ-дан ИПБ-ға берген жағдайда немесе бір ИПБ шеңберінде инвестициялық портфель түрін өзгерткен жағдайда) ИПБ атауын немесе ҚР ҰБ (зейнетақы жинақтарын ҚР ҰБ-ның сенімгерлік басқаруына қайтарған жағдайда) таңдау қажет; 
  4. «Ішінара аударым» немесе «ЖЗШ-дағы/қосалқы шоттағы қаражат мөлшерінде» аударым мөлшерін таңдау қажет;
  5. «Ішінара аударым» таңдалған жағдайда сенімгерлік басқаруға не ҚР ҰБ-ға қайтаруға жататын соманы көрсету қажет;
  6. «ЖЗШ-дағы / қосалқы шоттағы қаражат мөлшерінде» таңдалған жағдайда, өтінішті орындау сәтіндегі барлық сома аударылуға жатады;
  7. аударым талаптары туралы ақпаратпен танысу, сондай-ақ дербес деректерді жинауға және өңдеуге келісім беру және өтініште көрсетілген барлық деректемелердің тексерілгенін және дұрыс екенін растау қажет.

Қадам 5

Өтінішке жеке ЭЦҚ арқылы қол қою. 

Қадам 6

Жеке кабинеттегі «Қызметтер» бөлімінде «Менің төлемдер/аударымдар/ЕЗЖ қайтару туралы өтініштерім» шағын бөлімінде өтініштің орындалу мәртебесін қадағалау.


БЖЗҚ өтініште көрсетілген зейнетақы активтерінің сомасына сәйкес келетін сомада зейнетақы активтерін:

  • ҚР ҰБ-ның сенімгерлік басқаруынан ИПБ-ның сенімгерлік басқаруына беруді ИПБ таңдау туралы өтініш келіп түскен күннен кейін күнтізбелік 30 (отыз) күн ішінде;
  • бір ИПБ-дан басқа ИПБ-ға беруді зейнетақы активтерін беру күніне дейін 5 (бес) жұмыс күнінен кешіктірмей, сенімгерлік басқаруында салымшының, алушының зейнетақы активтері бар ИПБ-ны алдын ала хабарландыра отырып, ИПБ өзгерту туралы өтініш келіп түскен күннен кейін күнтізбелік 30 (отыз) күн ішінде;
  • бір ИПБ шеңберінде бір инвестициялық портфель түрінен басқа инвестициялық портфель түріне беруді зейнетақы активтерін беру күніне дейін 5 (бес) жұмыс күнінен кешіктірмей, ИПБ-ны алдын ала хабарландыра отырып, бір ИПБ шеңберінде инвестициялық портфель түрін өзгерту туралы өтініш келіп түскен күннен кейін 10 (он) жұмыс күні ішінде;
  • ИПБ-ның сенімгерлік басқаруынан ҚР ҰБ-ның сенімгерлік басқаруына беруді зейнетақы активтерін беру күніне дейін 5 (бес) жұмыс күнінен кешіктірмей, сенімгерлік басқаруында салымшының, алушының зейнетақы активтері бар ИПБ-ны алдын ала хабарландыра отырып, ИПБ-ның сенімгерлік басқаруынан ҚР ҰБ-ның сенімгерлік басқаруына қайтару туралы өтініш келіп түскен күннен кейін 10 (он) жұмыс күні ішінде жүзеге асырады.


ҚР ҰБ-ның сенімгерлік басқаруынан ИПБ-ның сенімгерлік басқаруына не бір ИПБ-ның сенімгерлік басқаруынан басқа ИПБ-ның сенімгерлік басқаруына не бір ИПБ шеңберінде бір инвестициялық портфель түрінен басқа инвестициялық портфель түріне беру сәтінде немесе ИПБ-ның сенімгерлік басқаруынан ҚР ҰБ-ның сенімгерлік басқаруына қайтару сәтінде зейнетақы жинақтары салымшының өтінішінде көрсетілген сомамен салыстырғанда жеткіліксіз болған жағдайда БЖЗҚ қаражатты ЖЗШ-да не ЖЗШ құрамына кіретін тиісті қосалқы шотта есепке алынатын нақты ағымдағы қалдығы шегінде беруді немесе қайтаруды жүзеге асырады.