Зейнетақы жинақтарының бір бөлігін ИПБ-ға/бір ИПБ-дан басқа ИПБ-ға аудару/ҚРҰБ-не қайтару кезіндегі қадамдық нұсқаулық

Зейнетақы жинақтарының бір бөлігін бір немесе бірнеше инвестициялық портфельді басқарушыға (ИПБ) беру туралы шешім қабылдаған жағдайда алдымен жұмыс істеп жатқан ИПБ тізбесімен танысып, олардың инвестициялық декларацияларын зерделеуді ұсынамыз. 

Бұдан әрі зейнетақы жинақтарын аудару немесе ИПБ сенімгерлік басқарудан Қазақстан Республикасының Ұлттық Банкіне (ҚР ҰБ) сенімгерлік басқаруға қайтару үшін салымшы БЖЗҚ-ға инвестициялық портфельді басқарушыны таңдау (өзгерту) туралы немесе инвестициялық портфельді басқарушының сенімгерлік басқаруындағы зейнетақы жинақтарын Қазақстан Республикасының Ұлттық Банкіне сенімгерлік басқаруына қайтаруға өтініш (өтініш) беруі қажет, оны enpf.kz сайтындағы Жеке кабинет арқылы немесе БЖЗҚ-ның кез келген өңірлік бөлімшесіне өзі келгенде беруге болады. Салымшы дербес жүгінген кезде жеке куәлігін немесе оның не цифрлық (электрондық) нұсқасын көрсетіп, және тиісті өтінішке қол қою қажет.

Enpf.kz сайтындағы Жеке кабинет арқылы  өтініш берген кезде төмендегі әрекеттерді орындау қажет:  

Қадам 1

Электрондық цифрлық қолтаңба (ЭЦҚ) көмегімен  немесе  логин мен пароль арқылы (Интернет арқылы хабарлау тәсілі    болса) Жеке кабинетте авторлану. 

Қадам 2

Жеке кабинеттегі «Қызметтер» бөлімшесіне өту.  

Қадам 3

«Инвестициялық портфельді басқарушыны таңдау (өзгерту) туралы немесе инвестициялық портфельді басқарушының сенімгерлік басқаруындағы зейнетақы жинақтарын Қазақстан Республикасы Ұлттық Банкінің сенімгерлік басқаруына қайтаруға өтініш беру» қызметін таңдау. Салымшының жеке басын куәландыратын құжат, мекенжайы және байланыс деректері туралы мәліметтер БЖЗҚ автоматтандырылған ақпараттық жүйесінің деректер базасынан автоматты түрде пайда болады, олар Қазақстан Республикасы Әділет министрлігінің «Жеке тұлғалар» мемлекеттік деректер базасымен салыстырылады. Егер осы ақпараттың біреуі (мысалы, мекен-жайы немесе телефоны) өзгерсе, түзетулер енгізуге болады.

Қадам 4

«Аудару талаптары» бөлімінде: 

1) операция түрін көрсету (ИПБ таңдау, немесе ИПБ ауыстыру, немесе ҚР ҰБ қайтару); 

2) зейнетақы жинақтарын (МЗЖ немесе МКЗЖ) аударуға ниет білдірген зейнетақымен қамсыздандыру туралы шарттың деректемелерін таңдау қажет; 

3) ұсынылып отырған ИПБ анықтамалығынан зейнетақы жинақтарын сенімгерлікпен басқаруға аударғыңыз келетін ИПБ атауын немесе ҚР ҰБ таңдау (зейнетақы жинақтарын ҚР ҰБ сенімгерлік басқаруға қайтарылған жағдайда); 

4) «ИПБ ауыстыру» немесе «ҚР ҰБ қайтару» операция түрін таңдаған жағдайда аударым сомасын таңдаңыз («Жартылай аударым» немесе «Қосалқы шоттағы қаражат мөлшерінде»); 

5) жартылай аударылған жағдайда сенімгерлік басқаруға аудару немесе ҚР ҰБ қайтару үшін қолжетімді соманы көрсету; 

6) ұсынылған ақпаратпен танысу және оған келісу/келіспеушілік білдіру қажет.

Қадам 5

Өтінішке өзінің ЭЦҚ арқылы қол қою. 

Қадам 6

Жеке кабинеттің басты бетіндегі «Менің төлемге/аударымдарға өтініштерім» бөлімінде өтініштің орындалу мәртебесін қадағалау.  

БЖЗҚ жеткіліктілік сомасынан асатын зейнетақы жинақтарының бір бөлігін салымшыдан өтініш келіп түскен күннен кейін күнтізбелік отыз күн ішінде ИПБ-ның сенімгерлік басқаруына аударуды жүзеге асырады. Салымшының зейнетақы жинақтарының қалған бөлігі Ұлттық банктің басқаруында қала береді.

ИПБ-ның инвестициялық басқаруына берілген зейнетақы жинақтары біржолғы зейнетақы төлемдері түріне жатпайды (тұрғын үй жағдайларын жақсарту және/немесе емделу мақсаттарына алынған жағдайдағыдай) және оларға ИПБ-ға аударған кезде жеке табыс салығы салынбайды.