Шарипов Мурат Турсынович

«Бірыңғай жинақтаушы зейнетақы қоры» акционерлік қоғамының Басқарма төрағасының орынбасары, Басқарма мүшесі.

Басқарманың Төрағасы орынбасарының функциялары:

Мынадай мәселелер жөнідегі жұмысқа жалпы басшылық, үйлестіру және бақылау жүргізеді:

• өңірлік желіні дамыту және ілеспе қызмет көрсету;
• қашықтан кеңес беру қызметін көрсету;
• Қор филиалдарының қызметін жалпы үйлестіру;
• өз құзыретіне кіретін мәселелер бойынша мемлекеттік органдармен, ұйымдармен және жеке тұлғалармен қарым-қатынас жасау.

Білімі:

1994ж. – Қазақ Басқару академиясының Алматы есепке алу-кредиттеу техникумын «Банк ісі» мамандығы бойынша бітірген.

1999ж. – Қазақ мемлекеттік басқару академиясын «Қаржы және кредит» мамандығы бойынша бітірген.

2010ж. – «Тұран» университетінің «Іскерлік басқару магистрі» мамандығы бойынша «Корпоративтік менеджмент» мамандығын бітірген.

2023ж. – Орталық Қазақстан академиясын «Құқықтану» мамандығы бойынша бітірген. 

Жұмыс тәжірибесі:

1994 жылғы сәуір - 1994 жылғы тамыз аралығында ҚР Ұлттық Банкінің (Қабанбай а.) есептеу-кассалық орталығының экономист-бухгалтері болып жұмыс атқарды.

1994 - 1997 жылдары ҚР Ұлттық Банкінің Алматы Бас аумақтық басқармасында әр түрлі қызметте болды: бақылау-ревизиялық бөлімнің аға ревизоры, жетекші ревизоры, банктерді тарату басқармасының бас экономисі, ішкі аудит секторының бас ревизоры.

1997 жылғы наурыз – 1998 жылғы мамыр аралығында ҚР Ұлттық Банкі Бақылау және аудит департаментінің филиалдар мен дербес құрылымдық бөлімшелер аудиті бөлімінің жетекші экономисі, Ішкі аудит басқармасының орталық аппарат аудиті бөлімі бастығының орынбасары болды.

1998 жылғы тамыз – 2003 жылғы ақпан аралығында ҚР Ұлттық Банкі Ішкі аудит департаменті орталық аппарат аудиті басқармасы бастығының орынбасары болды.

2003 - 2005 жылдары «Қазақстанның депозиттерге кепілдік беру (сақтандыру) қоры» АҚ бас бухгалтері, қажылық-әкімшілік бөлімінің бастығы-бас бухгалтері болды.

2005 жылғы ақпан - 2005 жылғы желтоқсан аралығында «БТА Сақтандыру» АҚ және «БТА Өмірді сақтандыру» АҚ ішкі аудит қызметі басқармасының директоры болды.

2006 жылғы қаңтар - 2012 жылғы желтоқсан аралығында «Қазақстанның Тұрғын үй құрылыс жинақ банкі» АҚ Астана қ. Орталық филиалының директоры болды.

2013 жылғы қаңтар - 2014 жылғы мамыр аралығында «Қазақстанның Тұрғын үй құрылыс жинақ банкі» АҚ Басқарушы директоры болды.

2014 жылғы тамыз – 2015 жылғы шілде аралығында «Қаржы академиясы» АҚ атқарушы директоры болды.

2016 жылғы сәуір – 2017 жылғы сәуір аралығында «БЖЗҚ» АҚ Үйлестіру департаменті директорының орынбасары, директоры болды.

2017 жылғы мамыр – 2023 жылғы ақпан аралығында «БЖЗҚ» АҚ Басқарушы директоры - Астана қ. филиалының директоры болды.

2023 жылғы 15 ақпаннан бастап 2026 жылғы 24 қыркүйекті қоса алғанда М.Т. Шарипов – «БЖЗҚ» АҚ Басқарушы директоры - Астана қ. филиалының директоры.

2026 жылғы 25 қыркүйектен бастап Мурат Турсынович Шарипов «БЖЗҚ» АҚ Басқарма Төрағасының орынбасары, Басқарма мүшесі болып тағайындалды.

Қоса атқарылатын жұмыс істемейді.