Егеубаева Сәуле Асқарқызы

«Бірыңғай жинақтаушы зейнетақы қоры» акционерлік қоғамының Басқарма Төрағасының орынбасары, Басқарма мүшесі

Басқарма Төрағасы орынбасарының функциялары:

• Қазақстан Республикасының зейнетақы жүйесі саласындағы актуарлық зерттеулер және Қордың дамуы мен стратегиялық талдау;
• тәуекелдерді басқару жүйесінің жұмыс істеуі мен өзектілігін қамтамасыз ету;
• тәуекелдерге бейімділігін ескеріп, инвестициялар портфелін сараптау;
• бұқаралық ақпарат құралдары арқылы Қор қызметі, Қазақстан Республикасының зейнетақы жүйесі туралы ақпараттық-түсіндіру жұмысын қамтамасыз ету;
• өңірлік желіні дамыту және ілеспе қызмет көрсету;
• қашықтан кеңес беру қызметін көрсету;
• Қор филиалдарының қызметі;
• өз құзыретіне кіретін мәселелер бойынша мемлекеттік органдармен, ұйымдармен және жеке тұлғалармен қарым-қатынас жасау мәселелері бойынша жұмысты жалпы басқаруды, үйлестіру мен бақылауды жүзеге асырады.

Білімі
1998 жылы Алматы қаласындағы Қазақ Мемлекеттік басқару академиясын үздік бітіріп, «Халықаралық экономист» біліктілігін алды;

1997-1999 жылдар аралығында Оснабрюк қ. (Германия) Жоғары мектебінде «Халықаралық экономика» мамандығы бойынша білім алды;

2009 жылы Алматы қаласындағы «Қайнар» университетін «Құқықтану» мамандығы бойынша аяқтады.

Еуропаның қаржы институттарында оқып, тағылымдамалардан өтті.

Жұмыс тәжірибесі
1999-2003 жылдары еңбек жолын ҚР Ұлттық Банкінде Монетарлық операциялар, қаржылық қадағалау, халықаралық қарыз алу, бухгалтерлік есепке алу аудитіне маманданған Ішкі аудит департаментінің жетекші, сонан соң бас маманы лауазымында бастады.

2003 жылдан 2014 жылға дейін «Қазақстанның тұрғын үй құрылыс жинақ банкі» АҚ-да жұмыс істеді, банк өнімдерін дамыту бөлімшесінің басшысы (2003 жылдан 2007 жылға дейін), Басқарма мүшесі: Басқарушы директор, сонан соң Басқарма Төрағасының орынбасары (2007 жылдан 2014 жылға дейін) лауазымдарын атқарды. Егеубаева С.А. тәуекел-менеджмент, банк өнімдерін дамыту, заемдарға мониторинг жүргізу және басқару, сапа, жарнама және PR департаменттеріне, халықаралық ынтымақтастыққа жетекшілік етті.

2014-2017 жылдары «Қазақстанның Даму Банкі» АҚ-да Басқарушы директор лауазымында жұмыс істеді. Бухгалтерлік есепке алу департаментінің, операция департаментінің, қаржы департаментінің қызметіне жетекшілік етті.

2017 жылдың ақпан айынан бастап «Бірыңғай жинақтаушы зейнетақы қоры» АҚ Басқарма төрағасының орынбасары лауазымына тағайындалды.

Қоса атқаратын жұмыс жүзеге асырылмайды.

Марапаттары
Қазақстан қаржыгерлері қауымдастығының «Үздік қаржыгер» қоғамдық медалі (2013 жыл);

«Қазақстан тәуелсіздігінің 25 жылдығы» медалі (2016 жыл).