БАСПАСӨЗ ХАБАРЛАМАЛАРЫ

БЖЗҚ-ның әрбір 4-ші салымшысы зейнетақы шотының жай-күйі туралы ақпаратты алу тәсілі ретінде хабарлаудың электрондық тәсілін таңдады.

Алматы, Қазақстан – 2016 жылғы 1 қазандағы жағдай бойынша зейнетақы жинақтарының жалпы сомасы шамамен 6,5 трлн. теңгені құрады. 2016 жылдың басынан бері зейнетақы жинақтары 668 млрд.теңгеге немесе 11,5% артты.

2016 жылдың 9 айында түскен зейнетақы жарналарының сомасы 510 млрд. теңгені құрады. Бұл ретте, 2016 жылдың 1 қаңтарынан бастап әскери қызметшілер мен әлеуетті құрылымдар қызметкерлерінің пайдасына 2016 жылғы 1 қаңтарға дейін бюджет қаражаты есебінен аударылған міндетті зейнетақы жарналары сомасының 50 пайызын қайтару жүзеге асырылуда. Осылайша, 2016 жылдың тоғыз айында мұндай қайтарулардың жалпы сомасы 145,7 млрд.теңгені құрады. 

Алматы, Қазақстан – 2016 жылғы 1 тамыздағы жағдай бойынша зейнетақы жинақтарының жалпы сомасы шамамен 6,35 трлн. теңгені құрады. Шарттардың барлық түрі бойынша салымшылардың (алушылардың) жеке зейнетақы шоттарының (ЖЗШ) саны 10,15 млн. бірліктен асты, оның ішінде міндетті зейнетақы жарналары есебінен жасалғаны шамамен 9,7 млн. Міндетті кәсіптік зейнетақы жарналары бойынша салымшылар саны – 405 713 бірлік, ал ерікті зейнетақы жарналары бойынша 39 075 бірлік.

2016 жылғы 10 тамызда жоспар-кестелерде көзделген әскери қызметшiлердің (мерзімді қызметтегі әскери қызметшілерден басқа), арнаулы мемлекеттік және құқық қорғау органдары, мемлекеттік фельдъегерлік қызмет қызметкерлерінің, сондай-ақ арнаулы атақтарға, сыныптық шендерге ие болу және нысанды киiм киiп жүру құқықтары 2012 жылғы 1 қаңтардан бастап жойылған тұлғалардың пайдасына бюджет қаражаты есебінен бұрын аударылған міндетті зейнетақы жарналарының 50 пайызын республикалық бюджетке қайтару шаралары аяқталды. 

2016 жылдың тамыз айында АӨҚО академиясы БЖЗҚ-ның ақпараттық қолдауымен Қазақстанның БАҚ өкілдері үшін «Қаржылық журналистика бойынша жазғы мектеп» оқыту бағдарламасын өткізеді.

Бағдарламаның мақсаты: зейнетақымен қамсыздандыруға қатысты көшбасшылардың қаржылық сауаттылық пікірі деңгейін арттыру.

Бағдарлама толық екі жұмыс күні: 18-19 тамызда Алматы қаласында және 25-26 тамызда Астана қаласында өтеді. 

Алматы, Қазақстан, 15 шілде 2016 жыл – 2016 жылдың бірінші жарты жылындағы таза инвестициялық табыс сомасы – 267, 21 млрд. теңге. Былтырғы жылдың осындай кезеңімен салыстырғанда инвестициялық табыс екі есеге дерлік артты. 2016 жылдың алғашқы 6 айындағы бұл көрсеткіштің 141,41 млрд. теңге болғанын еске сала кетейік. 

2016 жылдың шілде айында БЖЗҚ ұялы қосымшасы жаңартылып, 2.0 нұсқада шықты, ол қосымшаның бірінші нұсқасына қатысты пайдаланушылардың тілектері мен пікірлерін ескерген өзгерістерді қамтиды. Қазір жаңарту Android платформасына арналған Play Market ішінде тұр. Жақын арада iOS пайдаланушылары үшін де жаңарту шығады.

2016 жылғы 1 маусымда зейнетақы жинақтарының сомасы 6,14 трлн. теңге болды.

2016 жыл басынан бері алған таза инвестициялық табыс – 208,59 млрд. теңге.

Қор жыл басынан бері 85,53 млрд. теңге сомасында зейнетақы төлемдері мен аударымдарын жасады, бұл сомаға 9,06 млрд. теңге көлеміндегі сақтандыру ұйымдарына аударымдар кіріп отыр. 

БЖЗҚ әрбір салымшысынның (алушысының) қамын ойлайды, хабарлау арналарының ыңғайлы түрін көбейтуге және қызмет көрсету сапасын жетілдіруге ұмтылады.

Осыған байланысты БЖЗҚ-да салымшыларға (алушыларға) барып қызмет көрсететін «Мобильді кеңсе» жобасы жұмыс істейді. Жобаның басты мақсаты – халықтың әлеуметтік осал топтарын қолдау, мүгедектерге ақпараттық-кеңестік көмек көрсету, салымшыларға зейнетақы қызметі бойынша  БЖЗҚ кеңсесінен тыс жерлерде тиімді қызмет көрсету. Басқа сөзбен айтқанда, қандай да бір себеппен, мысалы денсаулығына байланысты БЖЗҚ кеңсесіне келе алмайтын адамдарға Қор мамандарының өздері барып қызмет көрсетеді. 

Барлық зейнетақы жарналары бойынша шарттардың жалпы саны 10,1 млн. бірліктен, оның ішінде міндетті зейнетақы жарналары бойынша – шамамен 9,7 млн. бірліктен асты.

Міндетті кәсіптік зейнетақы жарналары бойынша салымшылар саны 398 472 бірлік, ал ерікті зейнетақы жарналары бойынша 38 835 бірлік болды.

«Нұр Отан» қоғамдық саяси партиясының институтында «Зерде» экономикалық клубының мәжілісі өтті, онда Қазақстан Республикасы зейнетақы жүйесінің ағымдағы жай-күйі, проблемалары мен болашағы жөнінде тақырып қозғалды.

Мәжіліске Қазақстан Республикасы Мәжілісінің депутаттары, мемлекеттік органдардың өкілдері, «Зерде» клубының тұрақты қатысушылары – қазақстандық сарапшылар, «БЖЗҚ» АҚ Басқармасының Төрағасы Ерденаев Руслан Серікұлы бастаған «БЖЗҚ» АҚ басшылығы қатысты. 

2016 жылғы 1 сәуірдегі жағдай бойынша зейнетақы жинақтарының сомасы 6,06 трлн. теңге болды.

Зейнетақы жарналарының барлық түрі бойынша шарттардың жалпы саны 10,1 млн. бірліктен асты, оның ішінде міндетті зейнетақы жарналары бойынша шарттар – шамамен 9,7 млн. бірлік. Міндетті кәсіптік зейнетақы жарналары бойынша салымшылар саны 396 150 бірлік болды, ал ерікті зейнетақы жарналары бойынша – 39 183.

01.03.2016ж. жағдай бойынша зейнетақы жарналарының барлық түрлері бойынша шарттардың жалпы саны 10,1 млн., оның ішінде міндетті зейнетақы жарналары бойынша салымшылар саны шамамен 9,7 млн болды. Міндетті кәсіптік зейнетақы жарналары бойынша салымшылар саны  393 986  бірлік болды.  Ерікті зейнетақы жарналары бойынша салымшылар саны бұрынғыдай шамамен 40 мың адамнан аспайды.         

2016 жылғы 1 наурызда зейнетақы жинақтарының сомасы 5,98 трлн. теңге болды.

Қазақстан Республикасының 02.08.2015 жылғы № 342-V «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар енгізу туралы» заңымен енгізілген түзетулерді ескере отырып, «Қазақстан Республикасында зейнетақымен қамсыздандыру туралы» Қазақстан Республикасы заңының 31 және 32-баптарына сәйкес 2016 жылғы 01 қаңтардан бастап Қазақстан Республикасының аумағынан тысқары жерлерге тұрақты тұруға (ТТЖ) кеткен, БЖЗҚ-да зейнетақы жинақтары бар, Қазақстан Республикасының заңнамасында айқындалған кету дерегін растайтын құжаттарды ұсынған шетелдiктер мен азаматтығы жоқ тұлғалардың мiндеттi зейнетақы жарналары (МЗЖ) және (немесе) міндетті кәсіптік зейнетақы жарналары (МКЗЖ) есебiнен зейнетақы төлемдерiне құқығы бар.

Қазақстан Республикасында зейнетақымен қамсыздандыру туралы» Қазақстан Республикасының заңы (бұдан әрі – Заң) Қазақстан Республикасында азаматтарды зейнетақымен қамсыздандырудың құқықтық және әлеуметтік негіздерін анықтайды, азаматтардың зейнетақымен қамсыздандыруға қатысты конституциялық құқығын іске асыруға мемлекеттік органдардың, жеке және заңды тұлғалардың қатысуын реттейді.

Заңның 50-бабының ережелеріне сай жеке тұлғалардың зейнетақы активтеріне құқығы Заңда көзделген заттай құқықтар қатарына жатады және Заңда белгіленген ерекше мақсаттарға, оның ішінде Қазақстан Республикасының заңнамасына сәйкес зейнетақы төлемдерін жүзеге асыруға да пайдалануға болады. 

2016 жылғы 01 қаңтардан бастап күшіне енген Қазақстан Республикасының 2013 жылғы 21 маусымдағы №105-V «Қазақстан Республикасында зейнетақымен қамсыздандыру туралы» заңына өзгерістер ерікті кәсіптік зейнетақы жарналары (бұдан әрі – ЕКЗЖ) есебінен құралған зейнетақы жинақтарын міндетті кәсіптік зейнетақы жарналары (бұдан әрі - МКЗЖ) есебінен зейнетақы жинақтарына және ерікті зейнетақы жарналары (бұдан әрі – ЕЗЖ) есебінен зейнетақы жинақтарына аударуды көздейді. 

БЖЗҚ өзінің күнделікті қызметінде әрбір салымшыға қамқор бола отырып, хабарлау мен сервистік қызмет көрсетудің барынша ұтымды әрі ыңғайлы арналарын дамытуға ұмтылуда.

Салымшылар мен алушылардың барлығына қызмет қолжетімділігін қамтамасыз ету мақсатында БЖЗҚ 2015 жылы мүгедектігі мерзімсіз деп белгіленген І және ІІ топтардың мүгедектері болып табылатын мүмкіндігі шектеулі адамдарға барып қызмет көрсету бойынша жаңа «Мобильдік кеңсе» жобасын іске қосты. Жоба – Қор бастамасы және өз салымшыларына зейнетақы төлемдерін ресімдеу мен басқа да Қор қызметтерін алудың жаңа мүмкіндіктерін ұсынады.