ЗЕЙНЕТАҚЫ ЖИНАҚТАРЫН БЖЗҚ-ДАН САҚТАНДЫРУ ҰЙЫМЫНА АУДАРУ
Зейнетақы жинақтарын БЖЗҚ-дан сақтандыру ұйымына (СҰ) аударуға құқығы бар тұлғаларға:
- зейнетақы жинақтары міндетті зейнетақы жарналары (МЗЖ) есебінен жинақталған:
1. зейнеткерлік жасқа толған адамдар:
ерлер - 63 жасқа толғанда;
әйелдер - 2023 жылғы 1 қаңтардан бастап 61 жасқа толғанда (2028 жылғы 1 қаңтардан бастап 2031 жылғы 1 қаңтарға дейін әйелдер үшін жас жыл сайын 0,5 жасқа ұлғайып отырады);
2. республикалық бюджет туралы заңда белгіленген және тиісті қаржы жылының 1 қаңтарында қолданыста болатын ең төменгі күнкөріс деңгейінің 70 пайызынан төмен емес төлемді қамтамасыз ету үшін, Сақтандыру ұйымымен зейнетақы аннуитеті шартын жасасу үшін зейнетақы жинақтары жеткілікті болған кезде 45 жасқа толған тұлғалар;
- зейнетақы жинақтары міндетті кәсіптік зейнетақы жарналары (МКЗЖ) есебінен жинақталған:
1. зейнеткерлік жасқа толған адамдар:
ерлер - 63 жасқа толғанда;
әйелдер - 2023 жылғы 1 қаңтардан бастап 61 жасқа толғанда (2028 жылғы 1 қаңтардан бастап 2031 жылғы 1 қаңтарға дейін әйелдер үшін жас жыл сайын 0,5 жасқа ұлғайып отырады);
2.республикалық бюджет туралы заңда белгіленген және тиісті қаржы жылының 1 қаңтарында қолданыста болатын ең төменгі күнкөріс деңгейінің 70 пайызынан төмен емес төлемді қамтамасыз ету үшін Сақтандыру ұйымымен зейнетақы аннуитеті шартын жасауға зейнетақы жинақтары жеткілікті және жалпы алғанда МКЗЖ кемінде күнтізбелік 60 ай төленген 40 жасқа толған адамдар жатады.
БЖЗҚ- ға өтініш жасау тәсіліне байланысты зейнетақы жинақтарын
БЖЗҚ -дан Сақтандыру ұйымдарына аударуға арналған құжаттар тізбесі:
|
Құжаттарды тапсыру тәсілі
|
Қажетті құжаттар тізбесі
|
|
БЖЗҚ кеңсесіне жеке өтініш жасаған кезде
|
1) МЗЖ салымшысының, МКЗЖ, ерікті зейнетақы жарналары (ЕЗЖ) аударылған жеке тұлғаның, зейнетақы төлемдерін алушының (бұдан әрі – өтініш беруші) жеке басын куәландыратын құжат (сәйкестендіру үшін);
2) зейнетақы аннуитеті шартының түпнұсқасы/ өтініш беруші сақтандыру ұйымымен жасасқан қолданыстағы зейнетақы аннуитеті шартына қосымша келісімнің түпнұсқасы
|
|
Сенім білдірілген өкіл арқылы құжаттар оның БЖЗҚ кеңсесіне жеке өтініші бойынша ғана қабылданады (сенім білдірілген өкілдің атынан пошта хат-хабарлары арқылы жіберілген құжаттарды қарау заңнамада көзделмеген)
|
1) өтініш берушінің жеке басын куәландыратын құжаттың нотариалды куәландырылған көшірмесі;
2) зейнетақы аннуитеті шартының түпнұсқасы/өтініш берушінің сақтандыру ұйымымен жасаған қолданыстағы зейнетақы аннуитеті шартына қосымша келісімнің түпнұсқасы;
3) нотариалды куәландырылған сенімхаттың түпнұсқасы немесе оның нотариалды куәландырылған көшірмесі, егер сенімхатта бір мезгілде бірнеше ұйымдарда сенімхат берушінің мүдделерін білдіру жөніндегі өкілеттіктер бар болса;
4) сенім білдірілген тұлғаның жеке басын куәландыратын құжат (сәйкестендіру үшін)
|
Назар аударыңыз!
МЗЖ және (немесе) МКЗЖ есебінен жинақталған зейнетақы жинақтары жеткіліксіз болған жағдайда, зейнетақы аннуитеті шартын жасасу үшін ЕЗЖ есебінен жинақталған зейнетақы жинақтары пайдаланылуы мүмкін.
МКЗЖ есебінен жинақталған зейнетақы жинақтары жеткіліксіз болған жағдайда, 40 жасқа толған және олар үшін жалпы алғанда кемінде күнтізбелік 60 ай МКЗЖ төленген адамдардың зейнетақы аннуитеті шартын жасасуы үшін, МКЗЖ есебінен жинақталған зейнетақы жинақтарын пайдалануға құқығы бар.
Зейнетақы аннуитеті шарты бойынша сақтандыру төлемдері ай сайын жүзеге асырылады. Бірінші ай сайынғы сақтандыру төлемі, зейнетақы аннуитеті шарты бойынша, сақтандыру сыйлықақысының сомасы Сақтандыру ұйымына аударылған сәттен бастап он жұмыс күнінен кешіктірмей жүзеге асырылады, бірақ сақтанушының:
ерлер - 55 жасқа;
әйелдер:
2023 жылғы 1 қаңтардан бастап - 53;
2028 жылғы 1 қаңтардан бастап - 53,5;
2029 жылғы 1 қаңтардан бастап - 54;
2030 жылғы 1 қаңтардан бастап - 54,5;
2031 жылғы 1 қаңтардан бастап - 55 жасқа;
жалпы алғанда кемінде күнтізбелік 60 ай МКЗЖ төленген 40 жасқа толған адамдар үшін - 50 жасқа жеткен уақытынан ерте жүргізілмейді.
«Неке (ерлі-зайыптылық) және отбасы туралы» Қазақстан Республикасының Кодексіне сәйкес ерлі-зайыптылар немесе жақын туыстар болып табылатын және бір мезгілде сақтандырылған екі сақтанушы (сақтандырылушы) зейнетақы аннуитеті шартының тарабы бола алады.
Сақтандыру ұйымынан жасалатын айлық сақтандыру төлемінің мөлшері зейнетақы аннуитеті шартын жасасу күніне қолданыстағы ең төменгі күнкөріс деңгейінің 70 пайызынан (зейнетақы аннуитеті шартын екі тұлға жасасқан жағдайда, ең төменгі күнкөріс деңгейінің 1,4 еселенген мөлшерінен) төмен болмауы тиіс.
Зейнетақы аннуитеті шарты бойынша сақтандырылғандардың бірі қайтыс болған жағдайда, екінші сақтандырылушы үшін Сақтандыру ұйымынан жасалатын айлық сақтандыру төлемінің мөлшері зейнетақы аннуитеті шартын жасасу күніне қолданыстағы ең төменгі күнкөріс деңгейінің 70 пайызынан төмен болмауы тиіс.
Зейнетақы аннуитеті шартын жасасқан тұлғалар, сақтандыру төлемдерінің мөлшерін азайту және ақшаны БЖЗҚ-ға қайтару бойынша шарт талаптарын өзгерту туралы өтінішпен Сақтандыру ұйымына жүгінуге құқылы, бірақ шарт жасалған күннен бастап екі жылдан ерте емес. БЖЗҚ-ға қайтаруға жататын ақша сомасы зейнетақы аннуитеті шарты бойынша, оған өзгерістер енгізілген күнгі сатып алу сомасы мен Қазақстан Республикасының Әлеуметтік кодексі 225-бабының 2-тармағында айқындалған және зейнетақы аннуитеті шартына өзгерістер енгізілген күнгі төлем мөлшерін негізге ала отырып есептелген, сақтандыру сыйлықақысының сомасы арасындағы айырмаға тең.
МЗЖ салымшысы және (немесе) МКЗЖ аударылған жеке тұлға, зейнетақы аннуитеті шартын жасасқан зейнетақы төлемдерін алушы зейнетақы аннуитеті шарты жасалғаннан кейін зейнетақы шотында қалған және (немесе) жаңадан жинақталған зейнетақы жинақтарын Сақтандыру ұйымымен басқа зейнетақы аннуитеті шартын жасасу үшін пайдалануға құқылы.
