САПА САЛАСЫНДАҒЫ САЯСАТЫ

«БЖЗҚ» АҚ-НЫҢ 2017-2021 ЖЫЛДАРҒА АРНАЛҒАН САПА САЛАСЫНДАҒЫ САЯСАТЫ

«БЖЗҚ» АҚ өз қызметін Қор Жарғысына және Қордың 2017-2021 жылдарға арналған корпоративтік даму стратегиясына сәйкес жүзеге асырады және Қазақстан Республикасының жинақтаушы зейнетақы жүйесіндегі барлық қаржылық және ақпараттық ағындардың бірыңғай әкімшісі және операторы болып табылады.

Қордың негізгі мақсаты (миссиясы) – қызмет сапасын жақсарту, зейнетақы активтерін дұрыс есептеу, сондай-ақ зейнетақы жинақтарын жоспарлау мәдениетін көтеру арқылы салымшыларға зейнетақы жинақтарын қалыптастыруға ұйымдастырушылық ықпал ету.

• ең үздік тәжірибе стандарттарын пайдалана отырып, зейнетақы қызметінің сапасын жүйелі түрде көтереді;

• халықтың жинақтаушы зейнетақы жүйесіне деген сенімін нығайтады;

• Қазақстан Республикасының жинақтаушы зейнетақы жүйесін дамыту бағдарламаларын жүзеге асырады..

Қор өз қызметінің бағыттарын жүзеге асыру үшін:

1. Қор қызметкерлерінің жоғары еңбек тәртібі деңгейін, қызметкерлердің біліктілігі мен құзыреттілігін үнемі көтеруді;

2. зейнетақы жинақтарын салымшылар мен алушыларға қызмет көрсетуде қолданылатын технологияларды Қазақстанда қабылданған ең үздік әлемдік тәжірибелер мен дәстүрлер негізінде үнемі жетілдіруді;
   
3. салымшыларға Қор қызметі туралы ақпарат беру жүйесін дамытуды;
   
4. ақпараттық қауіпсіздікті қамтамасыз ету жүйесін дамытуды;
   
5. тиісті деңгейде корпоративтік басқаруды;
   
6. Қазақстан Республикасы аумағында және одан тыс жерлерде зейнетақы қызметтерінің қолжетімділік аясын кеңейтуді;
   
7. жүзеге асырылатын қызметтің ашықтығын;
   
8. Қордың операциялық қызметі көрсеткіштерін үнемі жақсартып отыруды;
   
9. қаржылық, ақпараттық, реттеуші және операциялық тәуекелдерді тиімді басқаруды;
   
10. сапа менеджменті жүйесінің үдерістерін зейнетақы жинақтарын салымшылар мен алушылардың және Қор қызметіне қызығушылық танытатын тараптардың пікірлерін ескере отырып, үнемі жақсартуды қамтамасыз ету міндеттемелерін алады.

Сапа менеджменті жүйесіне шынайы берілгендік, бастамашылдық пен кәсіпқойлық – Қордың әр қызметкеріне тән қасиеттер, дәл осы қасиеттердің арқасында зейнетақы қызметтері үнемі жетілдендірілуде.

Қор басшысы қызметкерлердің өз ісіне адалдығын, бастамашылдығы мен кәсіпқойлығын жоғары бағалайды, осы Саясаттың барлық деңгейлерде қолдау табатынына үміттенеді және қабылданған міндеттемелерді орындау үшін қажетті ресурстарды бөлу міндетін өзіне алады.