Кері қарай
МЗЖ ЕСЕБІНЕН ЖЗШ АШУ
Міндетті зейнетақы жарналары (МЗЖ) есебінен жеке зейнетақы шотын (ЖЗШ) ашу
Міндетті зейнетақы жарналарын төлеу бойынша агент (бұдан әрі – агент) – Қазақстан Республикасының заңнамасында айқындалған тәртiппен мiндеттi зейнетақы жарналарын есептейтiн, ұстап қалатын (есебіне жазатын) және бірыңғай жинақтаушы зейнетақы қорына (бұдан әрі – БЖЗҚ) аударатын жеке немесе заңды тұлға, сонымен қатар қызметiн Қазақстан Республикасында шетелдiк заңды тұлғалардың тұрақты мекемесi, филиалдары, өкілдіктері арқылы жүзеге асыратын шетелдiк заңды тұлға.
Сақтандыру ұйымы агент ретінде қарастырылады.
Міндетті зейнетақы жарналары– «Қазақстан Республикасында зейнетақымен қамсыздандыру туралы» Қазақстан Республикасының заңына (бұдан әрі – Заң) сәйкес БЖЗҚ-ға Қазақстан Республикасының заңнамасында белгiленген тәртiппен салынатын ақша;
БЖЗҚ интернет-ресурсында орналастырылған міндетті зейнетақы жарналары есебінен зейнетақымен қамсыздандыру туралы шартты (қосылу шарты) БЖЗҚ бекітті.
Міндетті зейнетақы жарналары есебінен зейнетақымен қамсыздандыру туралы шарт (қосылу шарты) Заңда көзделген құқықтарды, міндеттерді және жауапкершілікті, сондай-ақ БЖЗҚ мен міндетті зейнетақы жарналарының салымшысы (міндетті зейнетақы жарналары есебінен зейнетақы төлемдерін алушы) арасындағы құқықтық қатынастардың басқа да ерекшеліктерін белгілейді.
Қазақстан Республикасы Үкіметінің 2013 жылғы 18 қыркүйектегі № 984 қаулысымен бекітілген БЖЗҚ зейнетақы қағидасының (бұдан әрі – Қағида) 7-тармағына сай міндетті зейнетақы жарналары есебінен зейнетақымен қамсыздандыру туралы шарт (қосылу шарты) БЖЗҚ ішкі құжатымен бекітіліп, БЖЗҚ интернет-ресурсына орналастырылатын нысандағы мiндеттi зейнетақы жарналарын есепке алу бойынша жеке зейнетақы шотын ашу туралы өтінішке міндетті зейнетақы жарналары салымшысының қол қоюы арқылы жасалады.
Осылайша, БЖЗҚ-да жеке зейнетақы шотын ашу салымшының (алушының) жеке зейнетақы шотын ашу туралы өтініші негізінде жүзеге асырылады.
БЖЗҚ «Азаматтарға арналған Үкімет» Мемлекеттік корпорациясынан міндетті зейнетақы жарналары есебінен зейнетақымен қамсыздандыру туралы шарт жайлы мәліметтердің міндетті зейнетақы жарналары, міндетті кәсіптік зейнетақы жарналары есебінен зейнетақымен қамсыздандыру туралы шарт жасаған жеке тұлғалардың ортақ тізіміне енгізілгені туралы электрондық хабарлама алған күннен бастап міндетті зейнетақы жарналарының салымшысы міндетті зейнетақы жарналары есебінен зейнетақымен қамсыздандыру туралы шартқа қосылды деп есептеледі.
БЖЗҚ-ға жеке зейнетақы шотын ашу туралы өтінішті ресімдеу үшін келген кезде мынадай құжаттар беріледі:
|
|
1. өзі келіп өтініш жасағанда – жеке басты куәландыратын құжат (түпнұсқа);
2.сенім білдірілген тұлға өтініш жасағанда – сенім білдірілген тұлғаның жеке басын куәландыратын құжат (түпнұсқа), нотариат куәландырған сенімхат не оның нотариат куәландырған көшірмесі, салымшының (алушының) жеке басын куәландыратын құжаттың нотариат куәландырған көшірмесі.
|
Кәмелетке толмаған тұлға өтініш жасаған кезде мынадай құжаттардың түпнұсқалары беріледі:
16 жасқа дейін:
|
|
1. кәмелетке толмаған тұлғаның туу туралы куәлігі (түпнұсқа);
2. заңды өкілдің жеке басын куәландыратын құжат (түпнұсқа);
3.ата-анасы болмаған кезде қамқоршылық/қорғаншылық тағайындалғанын растайтын құжат (түпнұсқа) (қамқоршы тағайындалғаны туралы анықтама не баланы патронат тәрбиеге беру туралы шарт).
|
Кәмелетке толмаған тұлғаның (туған күні 2007 жылғы тамызға дейін) туу туралы куәлігінде жеке сәйкестендіру нөмірі (бұдан әрі – ЖСН) болмаған жағдайда, туу туралы куәлікке қосымша ЖСН тіркеу туралы куәліктің түпнұсқасын не Қазақстан Республикасының азаматы төлқұжатының түпнұсқасын беру қажет.
16 жастан 18 жасқа дейін:
|
|
1. кәмелетке толмаған тұлғаның туу туралы куәлігі;
2. кәмелетке толмаған тұлғаның жеке басын куәландыратын құжат;
3. заңды өкілдің жеке басын куәландыратын құжат (түпнұсқа);
4. ата-анасы болмаған кезде қамқоршылық тағайындалғанын растайтын құжат (қамқоршы тағайындалғаны туралы анықтама не баланы патронат тәрбиеге беру туралы шарт).
|
Кәмелетке толмаған тұлға (14 жасқа дейін) атынан әрекет ететін заңды өкіл жеке зейнетақы шотын ашу туралы өтінішке өз қолын қояды.
14 жастан бастап 18 жасқа дейінгі кәмелетке толмаған тұлға заңды өкілдің жазбаша келісімін бере отырып, жеке зейнетақы шотын ашу туралы өтінішке өз қолын қояды.
Жеке зейнетақы шотын ашу туралы өтінішті рәсімдеу сәтінде заңды өкілі болмаған жағдайда, кәмелетке толмаған тұлға заңды өкілдің нотариалды куәландырылған қолы қойылған жазбаша еркін нысандағы келісімін ұсынады.
Бұл ретте заңды өкілдің жеке басын куәландыратын құжатты ұсыну талап етілмейді. Сол сияқты бұл жағдайда 16-дан 18 жасқа дейінгі кәмелетке толмаған тұлғалар жүгінген кезде туу туралы куәлікті ұсынудың қажеттілігі болмайды.
Салымшылар (алушылар) Заң күшіне енгенге дейін жинақтаушы зейнетақы қорларымен жасаған міндетті зейнетақы жарналары есебінен зейнетақымен қамсыздандыру туралы шарттар Қағидаға қайшы келмейтін бөліктерінде қолданылады.
Міндетті зейнетақы жарналарын төлеу бойынша агенттер міндетті зейнетақы жарналарын Заңда белгіленген мөлшерлемелер бойынша төлейді.
Міндетті зейнетақы жарналары басқа тұлғалардың пайдасына төленбейді.
